كل مافي الامر ان تكون انت

من منا يشعر بأنه هو فقط
نعم هل تشعر بأنك الشخص الذي بداخلك ام فقط انت صورة خارجية مثلما يريدك الناس
هل انت حقا تفعل مايطلبه منك شخصك ام تفعل مايطلبه منك الناس
من انت ............ هل انت هو انت
سؤال اراه صعبا جدا ...... واذا اردت فعلا ان تعرف مامقدار صعوبة هذا السؤال ...أذن جاوب علي هذا السؤال
لا تتخيل ابدا انك تعيش الحرية الحقيقة فكيف تعيش حرا وانت اسير لفكرة مترسخة داخل عقلك ممن سبقوك
معتقدات ....وتقاليد.....وافكار ......وخوف ......والي أخره من ماتربيت عليه
كل هذه الكلمات هي واقعك الذي تعيش فيه
اذا اردت حقا ان تتحرر من كل هذه الافكار التي فرضت عليك ليس هناك سوي حل واحد فقط
جاوب علي هذا السؤال وستري الفرق الكبير
من انت ..... هل انت هو انت
ستري انك لا تعرف من انت وتعيش في هذه الحياة بمجرد شخصية مصنوعة من الكثير من الافكار التي شكلت شخصيتنا
تحرر من كل تلك الافكار واعرف من انت اعطي لنفسك الفرصة كيف تتعرف عليها
وبعد ذلك سوف تعرف ان كل ماتعيشه ليس لك

لاتنتظر فكم من منتظر مات وهو منتظر

نعم .. كثيرا من الوقت نظل هكذا ننتظر ان تأتي فرصتنا كي نخرج باحلامنا للنور....نظل نفكر ونفكر هل ستأتي الفرصة ام لانترك الامر متعلق بشئ واحد فقط سوف تأتي الفرصةولاكن كم منا انتظر كثيرا ولم يأتي اي شئ .....كم منا لايدرك كم يضيع عمره في تلك اللحظات التي ينتظر فيها هذا الامل الكاذبنعم كلنا نفعل ذلك ....ولا يحدث اي شئ سوي اننا ننتظر نعم يضيع عمرنا ولايتحقق اي شئقال سابقون لنا ماتريده اذهب اليه فأنه لن يأتيكاذا اردت شئ من هذه الدنيا ابحث عنه بكل قوتك لاتبقي هكذا فأنت تضيع الوقت

من يريد شئ يذهب أليه واذا ارادك شئ سوف يأتي اليك

سوف تصبح بطلا اذا

هاحكيلك
البطل ...................................مااروع ان تكون بطلا
هل مللت من دور الضحية ...ام تريد ان تكمل الباقي من حياتك القادمة في هذا الدور الذي يجعل منك سجينا وعبدا لافكار الاخرين
لماذا لاتصبح بطلا ..
لماذا لاتصبح انت عنوان لم يعرفه احد من قبل .......كيف تفعل وماذا اريد لاكون بطلا.
لكي تصبح بطلا في هذه الحياة الصعبة المليئة بكل انواع التحديات....عليك ان تكون ملتزما بقواعد محددة
اولا...ان تعرف ان من اصبحو ابطالا لايذيدون عنك اي شئ.
ثانيا...ان تعرف ما هي نقاط ضعفك وقوتك وتحاول ان تعرفها بدقة كي تحول كل نقاط ضعفك الي قوة وتزيد من نقاط قوتك وتعمل دائما علي ان تطورها الي الاقوي.
ثالثا...ان تحدد ما هي محاور حياتك التي تريد ان تكون بطلا فيها
رابعا...لاتعتمد ابدا علي احد ولاكن اجعل الاخرين يعتمدون عليك
خمسا ..اجمع كل مالديك من قوة كي تقوي علي هذه الرحلة لان دور البطولة يحتاج الكثير والكثير من التعب والمجهود الشاق
سادسا...لاتتراجع ابدا
سابعا...بعد معرفة كل هذا تعامل وانك اصبحت ماتريد.. انت البطل ...لاتنتظر حتي تصبح كذلك ... اذا انتظرت فسوف تنتظر دون فائدة
واخيرا ....كي تصبح بطلا في حياتك......افعل اي شئ من اجل ذلك ...لا تنظر الي احد سوي نفسك فقط

الخوف من المجهول

دائما مايقع عقلنا تحت فكرة واحدة فقط ....ماذا سوف يحدث ....فكرة الخوف من المجهول هي الفكرة التي تجعل منا عرضة للفشل بكل انواعه ....ليس الفشل في الحية العمليه فقط بل في كل شئ في حياتنا دائما مانحكم بأن القادم سوف يكون صعبا...دائما ما نري سوي قطعة الظلام التي تغلق غلقنا عن رؤية النور ما ادراك ان غدا سوف يكون كذلك.....لماذا تحكم علي ماسوف ياتي بهذه النظرة المنغلقة عن الحقيقةنقع دائما في هذه السلبيات التي تهدد حاضرنا ومستقبلنا بسبب ..........الخوف...........انا دائما اشعر بالخوف في كل شئ ولاكن الي متي سأظل خائفا ......... الي متي تتوقف الحياة التي احلم بها بسبب خوفي من شئ من الممكن ان يحدث او لايحدث.الخوف قاتل كل شئ اذا استسلمت له فسوف تقع فريسة لكل ما يقتل الانسان ...فشل ويأس وانسحاب وهزيمة وانكسارلا تستلم لخوفك ....بل اجعل منه حافز لتعرف انه خوف مزيف لا اساس له من الصحة

لا يوجد بديل أخر

لايستطيع عقلي الناجح ان يفكر في شئ اخر سوي............ النجاح ...........

في طريقك للنجاح الكثير والكثير من التحديات......الكثير من ألام ........ الكثير من الاحباطات......الكثير من كل شئ يجبرك علي الاستسلام.......
ولاكن..........كيف لي ان استسلم .......كيف يستطيع تصور عقلي ان اتنازل عن حلمي ..........من اجل فكرة سلبية تشوش علي هذا العقل الطموح.
تساؤلات كثيرة ....هل الطريق صحيح ..هل هناك أمل في هذه الرحلة الشاقة....هل انا استطيع ان اقاوم ........والكثير من مثل هذه السلبيات

فقط لا تفعل سوي شئ واحد.........لا بديل عن النجاح ...فقط اشغل كل تركيزك وطاقتك وفكرك وروحك ودمك نحو فكرة واحدة فقط ..........لا بديل غير نجاح ساحق..........

ولاكن لا تجعله فكرة فقط فهذه الفكرة تحتاج منك الكثير جدااااا من المجهود والتعب وسهر الليل..........لا تستسلم فأنت تستطيع.

سوف تفشل إذا .......

هناك اسباب عديدة جدا تؤدي بك في نهاية المطاف الي الفشل ......فطريقك الي النجاح ملئ بالعقبات التي تؤخر نجاحك
من اهم هذه العقبات او الاسباب ........الاعتماد علي ألاخرين......

سوف تفشل اذا .....كان اعتمادك علي الاخرين هو ماتلعب به في هذه الرحلة.....مللت كثيرا من تحفيز الاخرين علي النجاح....
يبدون في بداية الامر كل مايبشرك باننا معك وراء ضهرك فقط اعتمد علينا .....وماهي الا عدد من الساعات القليلة ....حتي يرجع كل شئ ال ما كان
وجوه عابثة بلا اي ابتسامة تفاؤل ....عقول فارغة .....ايدي مربوطة ....نعم فهذه هي طبيعة الناس
سريعا مايتحمسون وبسرعة اكبر يتراجعون......ويرمون كل اللوم علي عاتقك انت......يلقون عليك كل شئ .....ماهذه الطبيعة الحمقاء للبشر

ومارأيته كان كثيرا ومريرا ..... تأخذ هذا اللوم وتبقي تفكر ماذا افعل .....فانا السبب....ولاكن
لماذا انا السبب .... نعم انا السبب....فأنا اعتمد عليهم
الناس يأخذون وقت كثير جدااا في معرفة لماذا يفعلون.....فلذا ....لا تؤجل احلامك ولا تنتظر الاخرين....فقط اعتمد علي نفسك وخطط ورتب ماتفعله ....واجعل الاخرين يفعلون ماتريد.....لاتنتظر ابدا ان يكونوا مبادرين...بادر انت في كل شئ.

الاختيار بين تلك النارين

النجاح الساحق........................الفشل العميقكلاهما نار في حد ذاتهفالنجاح يحتاج في الوصول اليه الي الكثير من الام .......الكثير من التضحيات ..........الكثير من خيبات الامل في كثير من الاحيانفكل خطوة تخطوها في طريقك لتحقيق النجاح تتطلب منك قطرات عديدة من دمك ولحظات كثيرة من المكولاكن عندما تصل الي مرحلة تحقيقه يزول كل ماعانيته في هذا المشوار العصيبوبعد الوصول تفتح عليك نار النجاح ابوابها .........وتنهار عليك كل قطرة من لهبهاولاكن مع كل تلك النيران اهنيك علي وصولك اليهااما الفشل .........فماذا اقول عنه.....يحتاج الكثير من الكلام ولاكن سوف اوصفه بجملة واحدة...........الموت وانت علي قيد الحياةالفشل لم يحتاج منك الكثير من المجهود...........فقط يحتاج الي صفة واحدة فقط وهي تحمل الذلنيران الفشل لم تحس بها الا في اخر مراحل الفشل ............... صدمته ليس لها وصف .......... فاانظر كم من فاشل حولك يتضرع هذه النار وادرك جيدا ان الفشل هو الموت وانت حي

فقط قرر ماتريده وسوف توصل الي ماقررته فقط اختار ايهما افضل نار النجاح ام نار الفشل.

ماوقع فقد وقع ولاكن لماذا لاتنقذ ما تبقي

لاتحزن علي مافاتك ولاكن لاتدع ماسوف يأتي يفوت نعتقد دائما ان الندم الشديد علي ماحدث منا في حق انفسنا هو ان نبقي في دائرة اللوم الشديد لما قد فعلناه ونبكي علي اخطائنا ......
ولاكن ماذا سنفعل بما نفعل في انفسنا غير تحطيم ماتبقي لنا من قوة ......
لافائدة من كل ذلك اللوم والبكاء....ولاكن
ماذا بعد
ماذا تريد
هل حقا تريد ان تنقذ ماتبقي لديك ام........هي لحظة غضب وسوف يعود كل شئ الي طبيعته
هل حقا ندمت علي ماقد وقع وتحاول ان تنقذ ماتبقي ....ام هي نوبة من الضمير وسوف تمضي كما مضت النوبات الفائتة
انت فقط الذي تقرر ذلك
انت فقط الذي تستطيع ان تحكم .......
كف عن لوم نفسك ....اعطي اليها الفرصة الحقيقية .....ولاكن لاتنتظر عقاب او ثواب من احد
فقط اذا حدث ووقع ما تبقي فسوف تكون انت السبب وتتحمل انت نتيجته
واذا حدث ونجحت في انقاذ ماتبقي فسوف تكون انت الرابح
الامران يرجعان اليك .....فانت سيد قرارك

ماذا تفعل بعد معرفة الطريق

بعد السقوط في مرحلة التشتت الفظيع في كل ما تمر به في حياتك.....عندما تكون في اضيق مكان في داخل عقلك.....عندما تصبح وحيدا ويمتلكك اليأس الشديد .....عندما تصبح تائها في كل شئ .......

تأتي لحظتك الحاسمة .....قرر ماذا  تريد ؟؟؟

انت اين من احلامك وطموحاتك ......من اوصلك الي هذه المرحلة من ضلال الطريق.....انت ام الاخرين

تساؤلات كثيرة تعصف بكل مافيك 

من انا !!!!ماذا اريد!!!!والي متي ستظل معانتي

بغض النظر علي كل مايدور بداخلك في هذه المعاناة المريرة .....بغض النظر عن كل لحظة من لحظات العذاب التي تمر بها

لا تتنازل عن تلك اللحظة انها هي النقطة الحقيقية للنجاة من معاناتك

كف عن لوم نفسك......كف عن تعذيب نفسك ......كف عن التفكير بهذه النظرة التشاؤمية 

فقط انظر الي اعماق طفولتك البريئة ....عد الي نقائك الفطري .......فتش في دفتر احلامك الصغيرة

عد الي الطفل الذي كان يحلم فقط بالسعادة ينتظر الصباح حتي يلعب.....

عش حياتك كما انت ولاكن لاتتخلي عن نقائك

اذا اردت ان تخرج من هذه المرحلة عد الي طفولتك .............

عندما تتحول الي شخص أخر

الشر والخير .... كلمتان نسمع عنهم كثيرا ،...ونكرر نطقهم كثيرا......ولكن
لانعرف المعني الحقيقي لهما .....
هل تتذكر عندما كنت طفلا ...كم مرة وانت تلعب وتمرح وتنام وتاكل وتشرب فكرت في هاتين الكلمتين .....كم مرة جاء علي بالك الخير والشر
لم تكن تدرك ساعتها ماهو الشر وماهو الخير
ولاكن بعد مرور العمر نسيت كل شئ ولم يري عقلك غير هاتين الكلمتين ...
عندما تخرج الي عالم الغرباء تدرك انك ماتت طفولتك ... يأخذك الغرباء الي عالم الاحداث عالم مليئ بالكذب والصدق عالم مليئ بالحب والكره
عالم المصالح فقط
بعدما كان لك عالمك الخاص وانت طفل ....اصبحت في عالم أخر ليس به غير معتقدات الاخرين
وتبدأ رحلة الكفاح مابين عالمك وعالم الغرباء
فتحاول ان تعيش بفطرتك الطيبة التي تحتوي فقط علي كل انواع الخير ..وتحاول ان تأخذ من تحبهم من اقرب الغرباء لديك الي عالمك الجميل ...فلا تلقي الا تعارض المصالح ....مهما كانت قوتك فكيف تجعل الغرباء يتخلون عن عالمهم كي ينضمو الي عالمك ...وتحاول وتحاول وتحاول حتي يتوقف قلبك علي ضخ الاحساس فتبدأ عملية انهيار عالمك ويسقط عالمك قطعة قطعة وتنهار دموعك علي مابنيت وينتابك احساس خيبة الامل واليأس الشديد من كل الغرباء ...
وهنا يحدث الاختيار ....فأما ان تكون وحيدا ....او تقرر ان تلعب لعبة الشر ....ويموت الطفل الذي بداخلك وينهار العالم الذي كنت تحبه وتعبت كثيرا من اجله ....الشر والخير ....هما الاثنان ....مؤلمين فأما ان تختار ان تكون خيرا وتبقي وحيدا واما ان تكون شرا وتبقي بدون احاسيس ......

عندما تمتلك حلما

متي تنتهي الدنيا بالنسبة لك؟؟؟؟
متي يتوقف الانسان الذي بداخلك؟؟؟؟
هل من المعقول ان تموت وانتي حي .....
نعم انها حقيقة من الممكن ان تكون علي قيد الحياة ولاكن روحك في عداد الاموات ..
فقط يحدث هذا عندما تصبح بلا احلام ...
الحلم هو التنفس الحقيقي للروح التي بداخلك ...
انها وقودك الحقيقي كي يتكمل رحلتك كأنسان .....
ولاكن كيف يستطيع الانسان ان يتخلي عن روحه ويقلع عن الاحلام..
في عالم الاحلام توجد البعض من الأحلام المزيفة التي تجعلنا نمل من فكرة ان نمتلك حلما وهي ماتسمي
( الامنيات)
الحلم هو فكرتك التي تتصورها لنفسك اما الأمنيات هي التعريف الحقيقي للتواكل تاتي لمن يريد ان يحصل علي شئ بلا مجهود
لا تتخلي عن كونك انسان احلم ولاكن وأنت تحلم كن متيقنا بأن حلمك محتاج الي كل طاقتك لتحقيقه
واعلم وتيقن وأمن ان لا يوجد حلم حقيقي يستطيع عقلك تصوره الا ويستطيع عقلك تحقيقه ولاكن الحلم يحتاج لأيدي عاملة ووقود ومجهود حتي يتحقق .....

الموقف والاستجابة

الانسان يحدث له مواقف كثيرة في كل لحظة تمر في حياته .... مواقف مؤلمة ...مواقف سعيدة ... مواقف ليس لها معني ..،.ولكن كم من تلك المواقف التي تعجله يفكر قليلا ...لماذا يحدث كل ذلك ...وكيف تكون ردة فعلي تجاه كل هذه المواقف المختلفة
هي لحظة هو موقف قد يجعلك تكمل حياتك كما تريد انت ....كانو يقولون في الماضي ان المواقف هي التي تخلق الرجال وليس الرجال بالمعني الذكوري ولاكن الابطال من الذكور والاناث
استجابتنا لجميع مواقف حياتنا هي التي تلعب اهم دور في تشكيل شخصيتنا ...الاستجابة هي التي تحدد الشكل الحقيقي لحياتنا
كم منا يستغل هذه المواقف لصالحه وكم منا تستغله المواقف لحساب أخرين ....
اللحظة الحقيقية في التغيير الذي تحلم به ونحلم به هي لحظة حدوث المواقف... ولاكن....
كيف تغير هذه الاستجابة بنفس العقلية التي تسببت في حدوث الموقف الذي حدث ...ما من معقول ان تكون استجابتك للموقف ايجابية اذا كان تفكيرك يعم بالسلبية
اذا كنت تريد تغيير لعبة الحياة لصالحك فما عليك ان تفعل شئ غير ان تغير طريقة تفكيرك في استقبال المواقف التي تحدث لك
التغيير ليس ماسيتغير حولك التغيير ماتغيره بداخلك

تطوير الذات والمعلم فلان

يعني ايه تطوير الذات 

كل يوم كلام كتير بيتقال عن تطوير الذات كلام كتير اوي انك لازم تطور من نفسك والخ .............................بس بصراحة انا زهقت من الكلام ده.

عمرك شفت مثلا المعلم فلان والا الاسطي علان بيقرا كتاب عن تطوير الذات بصراحة لا ..... مع انهم بيكسبو وناجحين اوي فلوس وسلطة وعربيات وحجات كتير وانت لسه في مكانك 

مش لازم عشان تطور من نفسك تكون عالم ولا تكون واسع المجال في المعرفة والقراءة 

انا شايف قبل ماتفكر تطور من نفسك وتقرا كتير اوي في حجات مش وقتها اهم من كل ده انك تتعرف علي نفسك وتشوف انت عايز منها ايه وانا هكمل معاكو لحد مانوصل بجد اننا نعرف نفسنا كويس اوي ومع بعض بردو هنتطور بس واحدة واحدة.

تايه في اعماق الاحتلال

ايوه في حاجه اسمها اعماق الاحتلال .... ماضي وزكريات والام واحباطات كتير مرت عليك ..... انت بالفعل محتل من جواك... كل لحظة مرت عليك زمان موقفاك عن كل حاجه نفسك فيها دلوقتي .
قالو كتير ان اللي اطبع بشيء هيفضل عايش عليه طول عمره ...بس ده اكبر كلام غلط في الدنيا ...
الموضوع باختصار بيرجع للارادة القوية بيرجع لهدفك اللي نفسك فيه ...
اخرج برة احتلال الماضي ...بس صدقني عشان تخرج لازم تعمل ثورة كبيرة اوي علي نفسك ...وبطل تلوم الناس علي اللي انت اخترته بايديك
وانت بتعمل ده اكيد هتلاقي ناس تساعدك ..،وهتلاقي ناس كتيير اوي ضدك ومش عايزاك تتحرر من سجن ماضيك
ميز بين دول ودول عشان ماتخسرش كل اللي حاوليك
الاحتلال الحقيقي للانسان هو احتلال السلبية للعقل والنفس

السفر الي مرحلة الاعتراض

ناوي امتي تقول لا ....
تفتكر الوقت جه عشان تعترض بقي عل حجات كتير والا لسه شوية ....
كام مرة وافقت علي حاجات كتير اوي عارف انها مش صح ....
كام مرة عملت حاجات كتير جدا مش مقتنع بيها بس عملتها....
كام مرة قلت اه .....
كام مرة سكت حتي ماقولتش اه موافق....
كام مرة لسانك وقف معرفش ينطق وانت شايف ان اللي بيحصل ده غلط .....
ماتعدش ... كلنا كده ....عايشين عشان نقول نعم ....عايشين عشان نوافق ...عايشين عشان بس نشتكي اننا مش عارفين نعترض
الحقيقة المرة ....... امتي بقي هتقول لا انا مش هاعمل ده ...امتي هتعمل اللي بس اللي انت مقتنع بيه  ...بس طبعا لازم يكون صح
عشان تعرف تقول لا لازم يكون جواك نعم اكبر منها
لازم تكون مقتنع ان لا وراها مليون نعم
لا مش اعتراض لا يعني قرار ممكن يغير حياتك
الاعتراض مش بس كلمة لا الاعتراض لازم يكون عشان انت صح يعنيلو جواك شك انك غلط بلاش تعترض
حاول تتغير عشان الدنيا بتجري بسرعة ومش هترحمك

قليل من الوقت في بحر الانهيار

عندما يحين الوقت للتغير سيتحول كل شيء في حياتك الي انهيار تام ..... كم من عادات تعودت عليها ....كم من افكار ومعتقدات ترسخت في داخلك ....كم من الام مرت بك وانت تحاول الوصول الي ما انت عليه .... ولكن كم من عقبات تقع امامك وانت في طريقك الي ماتريد 
انهيار تام كيف مر هذا الوقت من حياتك وانت تفكر في طريق اسهل للوصول...وكيف ضاع الوقت وانت تحاول وتحاول ولاكن لاشء يحدث سوي احباطات وانهيارات لكثير من احلامك ...
نعم الطريق اصعب بكثير من مايتصوره عقلك الصغير ..وبعد كل شئ مر بك تحاول ان تكون صامدا وتقنع نفسك ان القادم افضل ولاكن.........
حانت لحظة الانهيار هي اللحظة التي تجعلك تفكر في كل شئ حولك بشكل مختلف .....لاتلقي اللوم علي احد ....لاترمي ماحدث لك علي ظروفك او من حولك ....نعم ...انت السبب الحقيقي في كل ماحدث لك وماسوف يحدث لك 
لابد من الانهيار نعم فاذا بدأت الان بعد كل ماحدث بنفس طريقتك القديمة سوف تحصل علي ماحدث من قبل 
ابدأ من جديد ولاكن بشكل مختلف بصورة جديدة بعادات جديدة .....ابدأ اولا بتغيير مابداخلك حتي تستجيب لك الدنيا وتركع تحت قدميك 
الانهيار ليس بالضرورة الانسحاب ولاكن اجعله لحظة الخروج من سجن معتقداتك القديمة .....

مرحلة القرارات الخاطئة

سعات كتير بتعدي عليك لحظات مهما كنت عاقل جدا تبتدي تقول ياتري صح والا غلط ...قرارات كتير اوي عايز تاخودها ومتردد ..مش عارف تقرر هتبتدي منين ايه اللي لازم يتعمل دلوقتي ..... وكتيير اوي كلام بيدور جوة دماغك ...لحظة استني اوعي تاخود قرار دلوقتي
من رحلة كبيرة جدا جوة مرحلة من الاخفاقات نتيجة قرارات كتيير اوي غلط بقولك استني اوعي تاخود القرار دلوقتي عارف ليه عشان هاتخود قرار بس عشان تريح دماغك وفي الاخر هتقابل نفس النتيجة
لو كل مرة هتقع في مشكلة ولازم تاخود قرار لازم تفكر كويس اوي ان انت سبب المشكلة وتفكيرك هو اللي وصلك ليها ازاي فجاءة عايز تحل المشكلة بنفس العقل اللي سبب اصلا المشكلة
لازم الاول تغير طريقة التفكير اللي سببت المشكلة عشان تعرف تقرر
القرار مش سهل بس محتاج تغيير في اسلوب التفكير

مع احترامي للافكار

ياه كل دي افكار....دانت دماغك دي جامدة اوي .....ياه جبت الفكرة دي منين....ياريت كل الناس بتفكر زيك.....
سمعت الكلام ده قبل كد كتير صح ...
وفي الاخر بردو بتفضل زي ماانت عمال تسمع في كلام حلو كتير ومافيش جديد
يعني ايه تفكير السؤال ده اجابته اصعب من اي اجابة في الدنيا ....فكر كده يعني ايه افكار.وصلت لاجابة
ياتري انت فعلا بتفكر صح وافكارك فعلا مميزة والا الناس بتضحك عليك
انا وصلت لاجابة مش عارف صح والا غلط بس ازاي بعد كل الافكار الكتير اللي في الدماغ الواحد لسه في مكانه زي ماهو .......
انا شايف ان المشكلة مش في انت بتعرف تفكر والا لا ...المشكلة الحقيقية هي انت بتفكر ليه عايز ايه من تفكيرك عايز تحكي فكرتك عشان الناس تعجب بيها والا عايز ايه
الاجابة عندك انت مش عند اي حد تاني
انا شايف ان الفكرة هي عبارة عن طريقة توصل بيها لهدفك يعني لو معندكش هدف ارجوك ريح دماغك من الافكار الكتير اللي بتقولها عشان مش هتستفاد بيها  اي حاجه غير شوية اعجاب او المصيبة الاكبر ان حد يخطف فكرتك وينفذها وانت زي ماانت

زي كل يوم

نبتدي الاول من قبل ماتنام تحس انك من بكرة هتكسر الدنيا وتفضل تخطط وترتب ومتحمس جدا وتقول من بكرة بقي كل شئ هيتغير وتدخل تنام بقي عشان تصحي فايق
اصحي بقي ....شوية بس ...معرفتش انام كويس.... اصحي عشان اللي انت كنت بتخططلو ....اه صح... بس  وتصحي وتقوم بالعافية وتنزل شغلك وانت في الطريق تبتدي تفكر هتعمل ايه النهاردة تفضل بقي تأجل كل حاجه كنت بتخطط ليها امبارح قبل ماتنام علي طول ...
ويوم يجيب يوم ونوم يجيب نوم وانت لسه بتخطط وتتحمس وتنام وتصحي ومافيش جديد ابدأ يومك بشكل مختلف وانهي يومك بشكل مختلف ماتضيعش لحظة انت تقدر... بس ركز وماتأجلش اي حاجه لبكرة و اهو لسه اليوم في اوله
ابدأ بالاهم ونظم وقتك ورتب يومك كل حاجه هتتعمل وهيكون عندك وقت لحياتك الشخصية ...

الناس اللي مابترضاش

كام مرة جيت علي نفسك عشان ترضي الناس كام مرة قررت انك مش هترضي الناس تاني ......
اقولك كل يوم وكل لحظة بتعدي عليك بتحس بالذنب تجاه الناس اللي حواليك و أد ايه انت مقصر معاهم فاتقول لا ماينفعش انا لازم اتغير الناس مالهاش ذنب وتبتدي تتعامل كويس وتعمل كل حاجه عشان ترضيهم وتبسطهم واخيرا هتكون مبسوط عشان اللي حواليك سعداء وفجأة يحصل حاجة متوقعة يومين وتلاقي نفسك صحيت من الانبساط ان بردو مقصر عارف كل ده بيحصل ليه
طبيعة الناس هي الطمع مهما عملت مش هاتعرف ترضيهم بس فيه حل اكيد اوزن كل الامور فكر قبل اي خطوة احسبها كويس اوي اعمل اللي عليك تجاه كل اللي حواليك بس ماتكنش (اوفر) نفسك ليها حق عليك
وماتخفش بردو ماحدش هيرضي ................

بكرة احلي ؟؟؟ لا مش احلي...

كل ماتقول لحد انت شايف بكرة ازاي يقولك بكرة احلي طيب تسأله ليه بكرة احلي يقولك انا بعمل اللي عليا ولازم اتفائل وكده بقي ..
انا معاك جدا اننا لازم نتفائل ونحاول بس كل ده ليه عشان بكرة يكون احلي 
طيب يعني ايه بكرة احلي مين قالك ان النهاردة وحش وليه شايفه وحش عشان مش عارف تنتج والا عارف تكسب مفكرتش مرة واحدة ان النهاردة ممكن يكون حلو وانت مش واخد بالك ومفكرتش اد ايه النهاردة اتعلمت حاجات كتير ممكن تفيدك بكرة ..........
لو تسمحالي بس اقولك رأي ايه في بكرة احلي
اولا بكرة احلي يعني مأجل كل حاجه حلوة عشان تعيشها بكرة 
ثانيا بكرة احلي يعني النهاردة عدي وخلص ومافكرتش حتي انه ممكن يكون احلي من بكرة 
ثالثا بكرة احلي يعني تسويف وتأجيل وانسحاب من مهمتك النهاردة 
وكتير اوي كلام  عيش النهاردة كأنه اخر يوم سيبك من بكرة دي حاجه في علم الغيب 
اعمل كل اللي عليك النهاردة عشان بكرة يكون احلي 
يارب النهاردة يكون احلي وبكرة كون احلي من النهاردة  .................................. بكرة يعني تأجيل.

مين قالك

مين قالك ان الناس الناجحة كلهم نجحو بالصدفة دي بقي اكتر حاجه بتعصب لما حد بيقول انا ليا واحد صاحبي بيكسب وبيترقي وعايش حياة   زي الفل بس انا بتعب اكتر منه بكتير ياعم ده نجح بالصدفة مش ده اللي بتقولو لنفسك دايما ؟؟؟؟؟
اه فعلا بقول كده كتييير اوي ,,,
علي فكرة هو مش لازم عشان انجح ابين لكل الناس اني بتعب مش لازم افضل اكسب تعاطف مزيف من الناس اللي عايز ينجح بيتعب بينه وبين نفسه مش لازم يعني منظرة بالتعب والجهد 
عشان تنجح لازم تكون ساحر اتعب في الخفاء تلاقي النجاح في العلن 

ماهو يتكون بطل يتكون دور عادي ماحدش يعرف اسمه

مش لازم تستني لما حد يرسملك طريقك انت ارسم 
مش لازم تمشي ورا حد في طريقه ماتخلق انت طريق جديد 
خليك مختلف حتي لو كل الدنيا هتحاربك اصل كده كده هتتحارب كده او كده محدش هيعجبه اللي بتعمله الناس عايزينك تفضل مربوط جوه سجن افكارهم التقليدية 
اختار عايز ايه تكون جوة مخطط وماشي جواه 
او ارسم انت الخطة وشوف عايز تكون وضعك ايه .....

مفيش فايدة

مفيش فايدة كلمة كل يوم بنسمعها من داخلنا او من اقرب الناس لينا

يقولك هتستفاد ايه من كل اللي انت بتعملو يابني اشتغل في وظيفة ليها مرتب ثابت 

والا الناس بقي اللي دايما ليهم وجهة نظر عادة بتكون اي كلام في الهوا البلد دي ماينفعش فيها غير وظيفة حكومية عشان المعاش والتأمينات اي كلام وخلاص 

طيب ماحضرتك شغال في وظيفة وطالع عينك وبتشتكي ليل نهار الدنيا صعبة اجيب منين وكمل انت بقي.................

بس بردو انا عند رأي انا شايف ان الانسان اللي بينسحب بسبب كلام الناس هو انسان ضعيف مين اللي قالك ان مفيش فايدة خليك ماشي وحاول واغلط واتألم صدقني هي دي ضريبة النجاح بس اهم حاجة تكون مقتنع باللي بتعملو.

عشان نبدأ نفكر في حل للاحباط لازم قرار

انا عارف اد ايه بتحس بخيبة امل من كل فشل بتمر بيه ومن كل محاولة عشان توصل للنجاح انا زيك مريت بلحظات كتير من الاحباط والخوف من الفشل خلينا الاول نفكر احنا ليه كده ليه بنحبط وليه بنفشل في كل مرةانا لما فكرت لقيت ان السبب الحقيقي هو انشغالك بالناس شايفك ازاي دايما شغالين بالنا بالناس اللي حوالينا دايما بنفكر فيهم اكتر من نفسنا دايما عايزينهم يتغيرو ومش شايفين نفسنا انا حاولت كتير اخرج بره الدايرة دي بس دايما جواها مع اني عندي اهداف كبيرة واحلام كبيرة وعندي كل الامكانيات اللي تخليني اوصل بس عندي دايما احساس ان الناس هي اللي معطلاني بس ده مش صحلازم تشوفها بشكل تاني مع بعض نحاول نلاقي رؤية تانية للي بيحصلنا ياتري هو بسببنا والا بسبب الناس.

هنخلي النهاردة احلي مش هنستني لبكرة

الفكرة العامة من انشاء المدونة

انا عارف ان فيه مدونات كتر بتتكلم عن النجاح والفشل واكيد الفكرة مش التقليد لكل المدونات الموجودة

انا حبيت اعمل حاجه ممكن كلنا نتكلم فيها عن احلامنا وافكارنا وطموحتنا كتير مننا بيكون عنده

احساس انه مش اقل من كل الناس اللي نجحت بس مش عارف يعمل ايه مع بعض ممكن نفكر ايه

 اللي موقفنا عن تحقيق اللي بنحلم بيه انا هاساعدكم وفي نفس الوقت هتساعدوني في التغيير الحقيقي

 اللي ممكن يوصلنا لحلمنا ومع بعض هنبدأ ونكمل .

بدون اي تكليف او تذويق للكلام

ممكن تكون حاولت كتير انك تكون احسن من الوضع اللي انت فيه دلوقتي كتير جدا بنعمل ده وبنقابل نفس النتائج ¡¡¡¡¡¡

لو اجابتك هتكون صح انا بعمل حجات كتير اوي بس مش لاقي نتيجة لكل تعبي عشان اكون في وضع احسن

وبحاول وارجع احاول كتييييييير 

تعالي نشوف ليه بنحاول بس مافيش فائدة او نتيجة 

هنعمل ده في مقالات كتيير اوي الموضوع محتاج كلام كتير بس بردو محتاج تفكير كتير ومختلف .